彩虹邨天主教英文中學

今次我地到 彩虹邨天主教英文中學 進行兩場超熱鬧嘅中藥主題工作坊 

工作坊以小組形式進行～各位男同學都坐定定準備開始。第一場先進行中藥香囊製作工作坊，同學仔先認識九種製作香囊常用嘅中藥材 認真辨識唔同中藥嘅外觀、氣味同功效，超級專心聽講 最後當然唔少得一齊動手整香囊！研磨中藥嘅過程中散發出陣陣藥香，大家一齊感受中藥香味帶黎嘅療癒感 
第二場工作坊，大家親手DIY養生茶包 ！同學除咗辨識數種養生茶嘅熱門材料及功效外，仲將中藥同化學課嘅教學內容完美結合 透過浸泡中藥材，幫助同學深化及鞏固對溶劑、溶液嘅認識，真係寓教於樂！老師笑言：考試一定考架 
當日現場氣氛超級熱鬧 活動期間仲有好多聞風而來嘅同學不斷加入，同學仔仲十分踴躍提問 亦有唔少同學超貼心，話要多整幾個養生茶包送畀媽咪 好sweet呀！期待下次再同大家一齊探索中醫藥 
歡迎各界查詢合作，一同推廣中醫健康、文化教育
WHATSAPP 53444136